Komponisten og musikaren, som dei siste åra har bevega seg i grenselandet mellom folkemusikk, jazz og elektronika – har denne gongen laga eit enkelt og reinskore jazzalbum, Norskjazz.no, saman med kritikerroste Eple Trio.

Høyr Portugalsong her: www.myspace.com/lydkunst 

Tenorsaksofonisten Karl Seglem har saman med Eple trio skapt eit album som bryt med hans tidlegare utgjevingar. Samstundes er den ei tydeleg vidareføring av hans arbeid som musikar og komponist, og som poet. Norskjazz no, er ei melodiøs og melankolsk CD-innspeling med tradisjonell jazzkvartett. Ei vandring i eit landskap der det er tydeleg at Seglem har arbeida mykje med norsk folkemusikk som utgangspunkt for komposisjon og improvisasjon. Både klangleg og melodisk.

Seglem seier sjølv at han ville laga "eit vakkert, poetisk og reinskore jazz-album". At han lenge hadde hatt ein draum om å komponere musikk til, og spela inn eit album med klassisk jazz- kvartett. No har han gjort det!

Gjennom melodi, arrangement og improvisasjon framstår kvartetten som ei svært samspelt gruppe. Det er vanskeleg å skriva om musikken utan å bruka ord som kontemplativ og roleg. Den har eit melankolsk preg utan at stemninga ein sit att med er trist. Innspelinga er gjort "live" i studio. og klangen av Seglems tenorsaksofon i tett samklang med kritikarroste Eple Trio, viser nye sider av komposisjonane til Karl Seglem. Innspelinga inneheld også ein tradisjonell folketone frå Norge og ein fado frå Portugal.

Norskjazz.no er lisensiert til Ozella Music i Tyskland og blir lansert internasjonalt 3 juli 2009.
Albumet markerer eit aldri sÃ¥ lite jubileum: Seglems 25 CD-utgjeving.  Han er stadig pÃ¥ veg inn i nye musikalske landskap.

Lanseringskonsertar:
CAFETEATRET, Oslo, 27 mai, 2009
NATTJAZZ; Bergen 28. mai 2009

Dim lights Embed Embed this video on your site